Fréttir

KAG félagar eru komnir á skrið eftir áramótin og farnir að æfa af krafti. Mörg spennandi verkefni eru framundan. Þar á meðal tónleikar með lögum Björgvins Guðmundssonar, tónskálds. Ekki er ólíklegt að KAG stígi á svið í Hofi, jafnvel verður eitthvað tekið upp af efni og svo verður að sjálfsögðu æft fyrir árlega vortónleika KAG.     

Eins og fjölmörg undanfarin ár hittust KAG félagar í Lóni á gamlársdag, skáluðu saman og tóku lagið. Þessi siður er skemmtilegur og fastur liður í starfi margra KAG félaga, núverandi og ekki síður fyrrverandi. Karlakór Akureyrar-Geysir sendir ykkur öllum bestu óskir um gleðilegt nýtt ár og vonar að margir verði á vegi kósins á því góða ári 2011.       Myndir frá gamlársgleðinni

Karlakór Akureyrar-Geysir óskar vinum sínum og velunnurum gleðilegra jóla og farsældar á komandi ári. Þökkum ánægjuleg samskipti á árinu sem senn er liðið og góða mætingu á tónleika KAG á árinu. Hittumst heil á árinu 2011.

KAG tók þátt í tónleikum Frostrósa í menningarhúsinu Hofi 16.-17. og 18. desember. Virkilega ánægjulegt erkefni, sungið fyrir 3000 gesti á sex tónleikum á þremur dögum. Uppselt öll kvöldin. 

 Þann fyrsta des býður KAG félögum sínum til veislu í Lóni. Makar koma að sjálfsögðu líka svo og fyrrum félagar og þeirra makar. Byrjað er á að fara upp á Hlíð og halda létta tónleika þar fyrir íbúana áður en mætt er í Lón. Þar er náttúrlega á borðum hangikjöt með "tilbehör" og nóg af því...

Karlakór Akureyrar-Geysir tók þátt í að heiðra minningu Matthíasar Jochumssonar í Ketilhúsinu í kvöld. Þar var mikil afmælishátíð í gangi, en Matthías var einmitt fæddur þann 11. nóvember, að vísu fyrir 175 árum. Gísli Sigurgeirsson setti saman heilmikla dagskrá sem stóð í ríflega tvo tíma.

Félagar í KAG voru í stórum hópi tónlistarfólks sem kom fram á árlegum tónleikum til styrktar Aflinu, samtökum gegn kynferðis- og heimilisofbeldi, í Akureyrarkirkju fimmtudaginn 4. nóvember.

       Laugardaginn 23. október var mikið um að vera í menningarhúsinu Hofi. Samtals 26 kórar af starfssvæði Eyþings komu þar fram, hver á eftir öðrum, og fluttu sína dagskrá. KAG var þar að sjálfsögðu og var mættur snemma til æfinga á sameiginlegu lagi, sem var reyndar ekki á dagskrá fyrr en í lok dagskrárinnar. 

Okkar síungi tenór, Ingvi Rafn Jóhannsson, hlaut heiðursviðurkenningu Sambands íslenskra karlakóra á Kötlumótinu á Flúðum, 16. október. KAG-félagar óska Ingva hjartanlega til hamingju með þessa viðurkenningu fyrir áratuga starf fyrir Karlakór Akureyrar, Karlakórinn Geysi og Karlakór Akureyrar-Geysi! 

Kórinn tók þátt í Kötlumóti á Flúðum laugardaginn 16. okt. Þar voru mættir 14 kórar úr Kötlu, sambandin sunnlenskra kóra auk tveggja gestakóra, þ.e.a.s. Karlakór Akureyrar-Geysir og nýr finnskur kór "Manifestum". Karlakór Hreppamanna sá um mótið og sýndu það og sönnuðu að þar er valinn maður í hverju rúmi bæði til söngs og vinnu. Undirbúningur allur var hreint frábær.