Viðburða- og athafnasöngur KAG 2024
Söngmenn karlakórs Akureyrar-Geysis bjóða upp á viðburða- og athafnasöng - bæði við gleðitilefni eins og vígslur og afmæli, brúðkaup eða móttökur gesta og einnig þegar missir ber að dyrum. Nokkur hópur einsöngvara er virkur með KAG á hverjum tíma og bjóða þeir upp á söng með kórnum eftir pöntun með hóflegum fyrirvara.
Kórinn hefur almennt tilbúin lög til söngs - annars vegar klassísk karlakóralög - eins og eru á æfingaplani á hverjum tíma - og þannig tiltæk með litlum fyrirvara og eins algeng lög fyrir veraldlega hátíðar-viðburði og jarðarfarasöng; – veraldleg lög og sálma jöfnum höndum.
Kórinn verðleggur söng í samræmi við tilefni en starfandi félögum og fyrrverandi félögum bjóðast sérstök kjör viðburða-/athafnasöngs (samkomulag eða 30-50% afsláttur). Ef stjórnandi KAG er ekki bókaður undirleikari í viðkomandi viðburði/athöfn - getur þurft að reikna með greiðslu til stjórnandans – við sértækan undirbúning.
Kór og einsöngvarar gætu í einhverjum tilvikum þurft einhvern extra fyrirvara ef beðið er um lög sem ekki hafa verið á dagskrá kórsins - og þurfa því aukaundirbúning og nánara samráð.
1: Karlakór; 15-25 félagar - (örlítið mismunandi eftir fyrirvara og árstíma). 150 þús (30 félagar eða fleiri – 250 þús.)
Algeng lög;
Lög við jarðarför; (sjá lista yfir athafnalög og sálma)
2: Tvöfaldur kvartett (8 söngmenn) - í grunninn sama lagaval eins og með fullskipaðan karlakór. 120 þús
3: Kvartett; 100 þús
Lagaval; kvartettlög og sérstakar pantanir
4. Einsöngvarar; Á undanförnum árum hafa eftirtaldir einsöngvarar verið virkir með Karlakór Akureyrar-Geysi (í stafrófsröð):
- Arnar Árnason tenór
- Árni Jökull Gunnarsson barýtón
- Jónas Þór Jónasson tenór
- Magnús Hilmar Felixson tenór
- Þorkell Már Pálsson tenór
Aðrir félagar eru ekki virkir í einsöng árið 2024 – en kórinn syngur að sjálfsögðu með öðrum einsöngvurum ef aðilar hafa bókað þá til söngs þar sem kórinn/(tvöf)kvartett er kallaður til.
Greiða skal einsöngvara sérstaklega/persónulega ef vill; – (kr.30 þús fyrir 1 lag, 50 þús fyrir 2 lög og 70 þús fyrir þrjú lög, fleiri lög skv. samkomulagi).
Til að bóka viðburðasöng (fullskipaðs) karlakórs er rétt að vera í sambandi við söngstjóra(Valmar) og/eða formann (Benedikt) með fyrirvara. Fyrir útfarir KAG kvartett/tvöf.kvartett taka Þorsteinn Jósefsson og/eða Baldvin Aðalsteinsson við beiðnum og vinna með þær nánar í samráði við söngstjóra eftir atvikum. Rétt er að hafa beint samband við einsöngvara ef sérstaklega er óskað eftir þjónustu þeirra.