Myndasafn

Laugardagurinn 17. nóvember var stór dagur hjá félögum í Karlakór Akureyrar-Geysi! Þá hélt kórinn stórtónleika í menningarhúsinu Hofi á Akureyri tilefni af 90 ára sögu kórsins. Og það var mikið um dýrðir! Tónleikarnir tókust frábærlega vel! Uppselt var í Hofi, ríflega 500 manns mættu þrátt fyrir leiðindaveður og ófærð.

Myndir frá lokaæfingu, laugardaginn 17. desember. Vel á annað hundrað manns á sviðinu. Tónleikar síðar um kvöldið, sungið fyrir hátt í 2000 manns í Íþróttahöllinni á Akureyri.

Myndataka í maí 2011. Skemmtileg uppstilling á göngubrúnni að Oddeyrarbryggju. Hefðbundin vormynd af úrgáfu KAG 2011 og kvartettinn okkar góði.

KAG félagar hittast alltaf á gamlársdag, syngja saman og eiga góða stund. Engin undantekning var á því 2010, Valmar við píanóið, Alli á barnum og allir glaðir í árslok.

KAG tók þátt í tónleikum Frostrósa í menningarhúsinu Hofi á Akureyri 2010. Sex tónleikar á þremur dögum, 16. 17. og 18. desember. Um 3000 gestir og mikil stemmning, virkilega skemmtilegt verkefni!

Vortónleikar KAG 2010 voru í Menningarhúsinu Bergi á Dalvík 14. maí og Glerárkirkju á Akureyri 15. maí. Flutt var blanda af nýju og gömlu efni, elsta lagið var frá miðri 16. öld eftir Giovanni Pierluigi da Palestrina og það nýjasta eftir Gunnar Halldórsson félaga í KAG. Einsöngvarar voru þeir Erlingur Arason, Heimir Ingimarsson og Jónas Þór Jónasson. Stjórnandi var Valmar Väljaots og undirleikari Jaan Alavere.

Árshátíð KAG árið 2010 var haldin á óvenjulegum tíma, eða strax eftir vortónleikana 15. maí. Hátíðin heppnaðist auðvitað afskaplega vel. Nú er spurning hvort þessi tímasetning festir sig í sessi.

Nokkrir harðduglegir KAG félagar í árlegri vorhreingerningu á lóðinni umhverfis Lón. Sólríkt kvöld, 4. maí 2010, í 10 stiga hita og logni.

Söngferð til Austurlands, vorið 2009. Ekið til Hornafjarðar á föstudegi, dvalið í góðu yfirlæti hjá Karlakórnum Jökli og sungið á tónleikum með þeim í Hafnarkirkju. Þaðan haldið til Egilsstaða til móts við Karlakórinn Drífanda, sungið á tónleikum ásamt þeim í Egilsstaðakirkju og ekið heim til Akureyrar eftir veisluhöld á laugardagskvöldi.

Árshátíð KAG, í Lóni, 7. mars, 2009.

Hangikjötskvöld KAG í Lóni, 1. des, 2009.

Við upptöku á diskinum “Á ljóðsins vængjum” sumarið 2005. Þarna syngur KAG lög við ljóð Davíðs Stefánssonar. Upptökur fóru fram í Laugarborg, tónlistarhöll Eyfirðinga. Upptöku stjórnaði Sigurður Rúnar Jónsson, Diddi fiðla.

Stórskemmtileg söngferð farin til Eistlands og Finnlands, 20.-30. júní, 2007.

KAG syngur í menningarhúsinu Hofi á Akureyri. Fyrstir allra!

KAG fór austur á land til að hitta Karlakórinn Drífanda. Saman var sungið í Kirkju- og menningarmiðstöðinni á Eskifirði að kvöldi 10. mars. Morguninn eftir var síðan haldið upp í Kárahnjuka, svæðið skoðað, borðað í risastóru mötuneyti hjá Ítölunum og sungið á eftir við frábærar undirtektir. Seinna þann sama dag var samsöngur kóranna í Egilsstaðakirkju. Frábær ferð, gefandi og skemmtileg.

Árlegt kóramót KAG á Akureyri. Í þetta sinn sungu Karlakór Akureyrar-Geysir, Karlakór Siglufjarðar, Karlakórinn Drífandi og Karlakórinn Þrestir, saman í Glerárkirkju vorið 2006.