Jólatónleikar til styrktar Mæðrastyrksnefnd

KAG verður í samstarfi við Kvennakór Akureyrar á jólatónleikum í Akureyrarkirkju næstkomandi sunnudag, 30. nóvember, kl. 16. Um er að ræða árlega styrktartónleika Kvennakórsins fyrir Mæðrastyrksnefnd.
Fram koma: Kvennakór Akureyrar, Karlakór Akureyrar-Geysir, og Söngfélagið Sálubót.
Stjórnendur og undirleikarar: Jaan Alavere, Valmar Valjaots og Tarvo Nómm. 
Miðaverð er 1.500 krónur, en frítt fyrir 12 ára og yngri. Allur ágóði af tónleikunum rennur óskiptur til Mæðrastyrksnefndar.

Og fleira verður á dagskrá KAG nú fyrir jólin.
Mánudaginn 1. desember tekur KAG þátt í hádegistónleikum á Kirkjutröppunum á Akyreyri.
Föstudaginn 5. desember kl. 17:30 syngur kórinn á Ráðhústorgi í samstarfi við Jafnréttisstofu.
Sunnudaginn 7. desember kl. 15 heldur KAG svo kaffitónleika í Lóni, þar sem jólalögin verða í öndvegi.