Það styttist til jóla

Þá eru jólalögin farin að hljóma hjá okkur KAG félögum. Æfingar eru semsagt hafnar fyrir jólatónleika kórsins. Þeir verða í Akureyrarkirkju, fimmtudaginn 11. desember, kl. 20.

Kórinn hélt jólatónleika í Akureyrarkirkju í upphafi aðventu í fyrra. Þá í félagi við stúlknakór kirkjunnar, en nú stendur KAG einn að þessum tónleikum.

Jólatónleikar í Akureyrarkirkju eru ákaflega hátíðleg stund. Það tókst sérlega vel til í fyrra og engin ástæða til annars en að ætla að það sama verði uppi á teningnum núna.