Valmar Väljaots, stjórnandi KAG, brýnir karlana til dáða
Karlakór Akureyrar-Geysir heldur tvenna tónleika í Eyjafirði, dagana 15. og 16. maí. Vorið er uppskerutími KAG, þegar strangar æfingar vetrarins
skila sér í söng og gleði með hækkandi sól. Hápunktur starfsársins eru vortónleikar KAG í Glerárkirkju á Akureyri.
Daginn áður er venjan að taka forskot á sæluna og syngja sömu dagskrá á öðrum stað.
Hrísey varð fyrir valinu að þessu sinni og föstudaginn 15. maí syngur KAG á tónleikum í glæsilegu íþróttahúsi
Hríseyinga. Tónleikarnir hefjast klukkan 20:30 og þá hafa karlakórsmenn að sjálfsögðu tekið "Hríseyjarstrætóinn", ferjuna
sem allan ársins hring skilar öllum til og frá eyjunni.
Laugardaginn 16. maí, syngur KAG svo á hinum eiginlegu vortónleikum í Glerárkirkju. Þeir tónleikar hefjast klukkan 16:00. Fjölbreytt
dagskrá verður á tónleikunum, bæði innlend og erlend lög. Hefðbundin karlakórslög, léttari dægurtónlist, negrasálmar
o.fl.
KAG - Syngjandi sælir!
