Fréttir

Þrátt fyrir að hefðbundnu starfsári Karlakórs Akureyrar-Geysis ljúki að vori, eru ýmis verkefni yfir sumarið, sum hefðbundin, önnur tilfallandi. Það sem af er sumri hefur KAG sungið á skemmtun Sjómannadagsins á Akureyri og kórinn kom fram á Ráðhústorgi á hátíðarhöldum vegna 17. júní. Svo var eitt mánudagskvöld sungið fyrir alþjóðlegan hóp lækna, sem hittust á Akureyri. Það var svo farið að hausta þegar KAG tók þátt í Akureyrarvöku í lok ágúst og söng um borð í Húna II ásamt Kvennakór Akureyrar.