Fréttir

Það er jafnan mikið að gera hjá Karlakór Akureyrar-Geysi í desember og jólalögin sungin víða. Desember í ár var þar engin undantekning.

Laugardagurinn 17. nóvember var stór dagur hjá félögum í Karlakór Akureyrar-Geysi! Þá hélt kórinn stórtónleika í menningarhúsinu Hofi á Akureyri tilefni af 90 ára sögu kórsins. Og það var mikið um dýrðir!

Laugardaginn 3. nóvember sungu félagar í Karlakór Akureyrar-Geysi nær samfleytt frá morgni til kvölds! Fyrir löngu var ákveðið að þessi dagur yrði æfingadagur fyrir afmælistónleikana í Hofi, 17. nóvemer. 

Risto Laur er nýjasti meðlimur í stórum og kraftmiklum hópi Karlakórs Akureyrar-Geysis. Hann hefur verið ráðinn sem píanóleikari kórsins í vetur. Risto er frá Eistlandi og starfar sem kennari í jazzpíanóleik við Tónlistarskólann á Akureyri.

Það styttist óðum í 90 ára afmælistónleika KAG í Hofi, sem haldnir verða laugardaginn 17. nóvember. Þess vegna var kominn tími til að máta kórinn á sviðið í Hamraborg. Þriðjudagsæfingin var því í Hofi að þessu sinni.

Laugardeginum 20. október eyddu KAG-félagar í félagsheimilinu Lóni við raddæfingar. Kennarinn var ekki af verri endanum; stórtenórinn Kristján Jóhannsson. 

Fyrsta æfing starfsársins 2012-2013 var í Lóni í kvöld. Frábær mæting var á æfinguna og mjög góð stemning! Yfir 40 kallar voru mættir, nokkrir nýir félagar, en einnig "gamlir" komnir til baka úr fríi frá kórstarfinu.

Glæsilegir afmælistónleikar Karlakórs Akureyrar-Geysis, í tilefni af 90 ára sögu kórsins, verða haldnir í menningarhúsinu Hofi á Akureyri, laugardaginn 17. nóvember, kl. 20.

Hjörleifur Örn Jónsson, skólastjóri Tónlistarskólans á Akureyri, hefur verið ráðinn stjórnandi Karlakórs Akureyrar-Geysis. Hjörleifur tekur við starfinu af Valmari Väljaots sem hefur stýrt KAG undanfarin fimm ár. Valmar hefur ákveðið að snúa sér að frekara námi í orgelleik og óska félagar í KAG honum velfarnaðar með bestu þökkum fyrir frábært samstarf! 

Það var skemmtileg stund í Minjasafninu á Akureyri sunnudaginn 3. júní. Safnið var 50 ára og haldið var upp á afmælið með veglegum hætti.