Fréttir

Okkar síungi tenór, Ingvi Rafn Jóhannsson, hlaut heiðursviðurkenningu Sambands íslenskra karlakóra á Kötlumótinu á Flúðum, 16. október. KAG-félagar óska Ingva hjartanlega til hamingju með þessa viðurkenningu fyrir áratuga starf fyrir Karlakór Akureyrar, Karlakórinn Geysi og Karlakór Akureyrar-Geysi! 

Kórinn tók þátt í Kötlumóti á Flúðum laugardaginn 16. okt. Þar voru mættir 14 kórar úr Kötlu, sambandin sunnlenskra kóra auk tveggja gestakóra, þ.e.a.s. Karlakór Akureyrar-Geysir og nýr finnskur kór "Manifestum". Karlakór Hreppamanna sá um mótið og sýndu það og sönnuðu að þar er valinn maður í hverju rúmi bæði til söngs og vinnu. Undirbúningur allur var hreint frábær.

11. október 2010 eru liðin 20 ár frá því Karlakór Akureyrar og Karlakórinn Geysir voru sameinaðir í Karlakór Akureyrar-Geysi. Þessir tveir karlakórar höfðu þá starfað um áratuga skeið og voru hvor um sig stór þáttur í menningarstarfi á Akureyri.

Nýr vefur Sambands íslenskra karlakóra er kominn í loftið. Þar er að finna ítarlegar upplýsingar um SÍK og söngfélögin tvö; Heklu og Kötlu. Þá eru á vefnum upplýsingar um alla aðildarkóra SÍK og tenging inn á vefi þeirra kóra sem eru á netinu. Þá eru tenglar á ýmisskonar tónlistartengda starfsemi. 

Verkefnastaðan hjá KAG þessar vikurnar reynir á skipulag söngæfinga því nú er æft fyrir tvö kóramót! Annars vegar fyrir Kötlumótið á Flúðum 16. október og hinsvegar fyrir kóramótið í Hofi 23. október. Hvorttveggja stórviðburðir; hreinræktað karlakóramót á Flúðum, en stórmót blandaðra kóra í Hofi.       

Karlakór Akureyrar-Geysir syngur á jólatónleikum Frostrósa í Hofi á Akureyri, föstudaginn 17. desember. Þessir risatónleikar verða á meðal glæsilegustu viðburða í Hofi á árinu, þar sem á þriðja hundrað manns koma fram í glæsilegri umgjörð þessarar miklu tónlistarhátíðar.

KAG syngur við upphaf landsþings Sambands íslenskra sveitarfélaga sem haldið er á Akureyri 29. september til 1. október. Sungin verða nokkur lög í menningarhúsinu Hofi, á miðvikudag kl. 15:45, rétt fyrir þingsetninguna. Ekki er að efa að söngurinn hafi góð áhrif á hugarástand sveitarstjórnarmannanna og komi þeim í rétta gírinn fyrir langt þinghald!  

Karlakór Akureyrar-Geysir verður á meðal þátttakenda í Kötlumóti sunnlenskra karlakóra, sem fram fer á Flúðum laugardaginn 16. október. Vegna þess hófst hauststarf KAG fyrr en venjulega og er áherslan þessa dagana lögð á æfingar fyrir mótið.

Karlakór Akureyrar - Geysir er nú að hefja nýtt starfsár. Mánudaginn 6. september klukkan 20:00 verður fyrsta æfingin í félagsheimilinu okkar, Lóni við Hrísalund á Akureyri. Langar þig að taka þátt í skemmtilegum félagsskap....og syngja, eins og þig hefur lengi dreymt um að gera?

Karlakór Akureyrar-Geysir tekur þátt í opnunarhátíð menningarhússins Hofs á Akureyri, helgina 27.-29. ágúst. KAG syngur á laugardagskvöld, en þá verður Hof opnað upp á gátt og allir boðnir velkomnir í húsið kl. 21:00-01:00.