Fréttir

Hátíðlegir og fallegir jólatónleikar í Akureyrarkirkju á miðri aðventunni, fimmtudaginn 12. desember. Flutt verða jólalög eftir akureyrska tónskáldið Birgi Helgason, auk fjölda annarra innlendra og erlendara jólalaga. 

Laugardaginn 12. október, halda Karlakór Kjalnesinga og Karlakór Akureyrar-Geysir tónleika í menningarhúsinu Miðgarði, Skagafirði.

Þó enn sé september þá eru félagar í KAG farnir að æfa jólalögin. Enda stórt verkefni í vændum á aðventunni. 

Þá eru félagar í Karlakór Akureyrar-Geysi lagðir af stað í enn einn söngveturinn. Kórfélagar komu saman á fundi í Lóni, þriðjudagskvöldið 10. september, til að stilla saman strengi og ákveða starfið til áramóta.

Um miðjan júlí réðust karlakórsfélagar í það mikla verkefni að mála félagsheimilið Lón að utan. Húsið var mikið farið að láta á sjá og kominn tími til að mála. 

Uppselt var á vortónleika KAG í Hofi í gær. Að þessu sinni var sungið í Hömrum, minni samkomusal Hofs. Kórinn fékk mjög góðar móttökur og ekki annað að heyra en tónleikagestir hafi skemmt sér hið besta. 

Á vortónleikum Karlakórs Akureyrar-Geysis, sunnudaginn 21. apríl, einblína kórfélagar á tímabilið 1930 - 1950. Horft verður jafnt til erlendra og innlendra tónskálda og víst er að söngdagskráin verður fjölbreytt!

Karlakór Akureyrar-Geysir söng í Mottuboði Klúbbs matreiðslumeistara á Norðurlandi, sem haldið var í Hofi fimmtudagskvöldið 21. mars.

Árshátíð KAG var haldin í Lóni, laugardaginn 9. mars, og heppnaðist sérlega vel! Mætingin í ár var með allra besta móti.

Það var mikill kraftur í KAG-köllum um helgina, en þá tóku menn sig til og máluðu Lón að innan, hátt og lágt! Á föstudag var allt rifið af veggjum og lofti og máling undirbúin. Á laugardag voru báðar hæðir grunnmálaðar og rúmlega það og á sunnudag var farin seinni umferð á alla veggi og verkið klárað!